საერთაშორისო ტრენინგი „მეწარმეობა კლიმატგონივრული სოფლის მეურნეობისთვის შავი ზღვის აუზის ქვეყნებში“ ჩატარდა დობრიჩში, ბულგარეთში – AGREEN – ის პროექტის ფარგლებში

22-25 ნოემბერს, დობრუჯას აგრარული და ბიზნესის სკოლის (DABS) მასპინძლობით, პროექტ „სასაზღვრო ალიანსი კლიმატგონივრული და მწვანე სოფლის მეურნეობისთვის შავი ზღვის აუზში“ /AGREEN/, ფარგლებში, საკმაოდ მნიშვნელოვანი საერთაშორისო შეხვედრა გაიმართა. საერთაშორისო ტრენინგი, რომლის სამუშაო თემად შეირჩა „მეწარმეობა კლიმატგონივრული სოფლის მეურნეობისთვის (CSA) შავი ზღვის აუზში (BSB)“, ჩატარდა დობრიჩში (ბულგარეთი) და მასში მონაწილეობდნენ 6 ქვეყნის – ბულგარეთის, რუმინეთის, თურქეთის, საქართველოსა და საბერძნეთის – სოფლის მეურნეობის სპეციალისტები (თითო ქვეყნიდან ესწრებოდა სულ ცოტა, სამი წარმომადგენელი) – ახალგაზრდა ფერმერები, სოფლის მეურნეობის პრაქტიკოსები, სასოფლო-სამეურნეო პრობლემატიკით დაინტერესებული დამამთავრებელი კურსის სტუდენტები, აგრარულ სფეროში მომუშავე ორგანიზაციები და ბიზნესმენები. რამდენიმე სპეციალისტი სომხეთიდან ტრენინგის მუშაობაში ონლაინ ვიდეო-კონფერენციის საშუალებით  მონაწილეობდა.