Կոնստանցայի Օվիդիուս համալսարանի բնական և գյուղատնտեսական գիտությունների ֆակուլտետը հրավիրում է ձեզ մասնակցելու «Երկիր՝ մեր ամենօրյա մոլորակը» խորագրով համաժողովին, որը կազմակերպված է«Անդրսահմանային դաշինք հանուն Սևծովյան ավազանում կլիմային ուղղված խելացի և կանաչ գյուղատնտեսության» (AGREEN) նախագծի շրջանակում:
Համաժողովը տեղի կունենա չորեքշաբթի՝ 2022 թվականի ապրիլի 13-ին, ժամը 12-ին, Կոնստանցայում, Օվիդիուս համալսարանի գլխավոր մասնաշենքում՝ թիվ 1 hամալսարանական պուրակում, B մասնաշենք, P23 լսարան։ Նրանց համար, ովքեր ցանկանում են առցանց դիտել այս համաժողովի աշխատանքները, առաջարկում ենք հարթակ մուտք գործելու հնարավորություն՝ անցնելով հետևյալ հղմամբ՝ https://ovidius.webex.com/meet/irina.moise։ Հանդիպման հիմնական նպատակն է ստեղծել էկոլոգիապես առողջ գյուղատնտեսությամբ զբաղվողների համայնքներ: Այն վերաբերում է մարդկանց այն խմբերի միավորմանը, ովքեր ունեն նույն անհանգստությունը կամ մղումը իրենց զբաղմունքի հանդեպ և կանոնավոր կերպով հաղորդակցվում և միմյանցից սովորում են, թե ինչպես իրենց գործը լավագույնս անեն: Քննարկվելու են հողի պաշտպանությանը, դրա հատկությունների պահպանմանը, հող-բույս-ջուր-օդ կապին, կենսունակ գյուղատնտեսական տեխնոլոգիաներին, բնության պահպանության վերաբերյալ ժողովրդական սովորույթներին և ավանդույթներին, հողին՝ որպես ուսումնասիրության օբյեկտի և ժողովրդական ավանդույթներում ու կրոնական հավատալիքներում արտացոլված երևույթի, մարդածին գործունեության մեջ և բնությանը համահունչ հասարակության զարգացման ուղղություններին առնչվող հարցեր և թեմաներ։
Agenda EN 
